Tuesday, December 2, 2008

مش رباعيات أوي

مركب و من غير شراع.. تاهت ف بحر الهوى
العمر وياها ضاع ..و العقل جواها غوى
و القلب ف قلبها عطشان ..
سارح ف يم ولا إرتوى
وعجبي


وحيد..غريب.. مفارق.. مفتِرِق
ماشي طريق كل خطوة فيه مُفتَرَق
أنا قلت دلوني يا عارفين بالطرق
قالوا اللي مشي ورا قلبه غرق واللي إتبع عقله.. إحترق
وعجبي


في يوم شفتني كائن فضائي وع الأرض حطيت
عطلت عليها مركبي.. و مش بمزاجي جيت
فقت..قلت دانا تعبان أوي
وف قلب السرير..نطيت
وعجبي


ف يوم باخدلي دش قبل أما انام
عقلي وزني أكتب رباعية كما عمنا الخيام
قلتله ودي هسميها إيه بقي؟ رباعية الحمام؟!!
إتلهي يا عقلي إتلهي, وخش إجري نام


مفارق وفاتني حبيب.. سبته ولا بيدي
طبيب وليه ياطبيب ..كل الحياة ضدي؟!!
سكت وإحتار و بعدين قال:
علاجك يابني مش عندي

1 comment:

  1. like always, even in the simplest ones you are always great man, you totally have it, you own it, no no, you are the king of it.. nice work keep going, can't wait to read the next one :)

    ReplyDelete