Thursday, June 16, 2011

أول مرة


كُتبت يوم 23 ديسمبر 2010

لأول مرة بسمع صوتك النايم
و يفضل قلبي مطرحه ساكت ..
وانا أزغد فيه..
يقولي "لأااا مش قايم"..


لأول مرة بسمع صوتك الهامس
 يوشوشني
ويبقى قلبي بين حالتين
لا هو صاحي ولا ناعس

لأول مرة نتكلم
مقولش كمان

لأول مرة حستني
مانيش غرقان
لأول مرة ف عنيكي أقف ع الشط

لأول مرة ألقاني
ف رمل الأرض بتشبث
وبمسك فيه ب إيديا
وبسناني

لأول مرة أكون خايف
ف أرض التوهه ف عنيكي
أقع تاني


لأول مرة فوق أرضك
أنا قايم
لأول مرة فبحورِك
مانيش عايم


لأول مرة - يا حُبي-
برغم اللحن ف و داني...
مانيش برقص


لأول مرة يا قلبي
كدا تحرن!!
كمان تُرفص؟!!

لأول مرة -يا حُزني-
تجيني غراب
بيتحنجل

لأول مرة - ساحِرَتي-
ف إني أخضع..
لتعويذتك
كدا بافشل..

لأول مرة في بلورتك السحرية
متشوفينيش..
وأنا بقطع حبال الماريونيت وأجري

لأول مرة أحس سنووايت..
أجمل..

Sunday, January 23, 2011

بورتريه


إقترَضتُ الأصفر الذهبيَ من شمسي..
و سرقت الأزرق الرماديَ من أمسي..
و إختطفت الأحمرَ الناريَ من نفسي..
لأجلِك...

ورجوت روحَكِ أن تمنحني بعض الوردي الشفاف..

أذبت الكثير من الشوكولا..
لأحصل علي البنيِ المناسب..

مددت يدي إلي سمائي
لأُلوثَ أصابعي بأبيضٍ..يناسب ذاتِك الممطرة..

إستيقظتُ فجراً..
لألحق بإمتزاج الليل في قلب الصباح..
وأقطف بعض الأُرجوانيِ المزركشِ بالندى
وحفنةً من أوراق البنفسج..
لأجلك..

ماذا بقيَ الأن؟
الأخضر؟
لم أجد بعدُ أخضرَنا في كل المروج
لم أجد بعد في الأشجار ذاك الأخضر الذي أراه في غَدنا
و في أحلامي بكِ..
سأُبقي قليلاً من حلم الليلةِ إذاً..

بقي أيضاً
أن أطلبَ من الفراشاتِ أن يمهلنني..
لأتعلم منهن كيف أخلطُ الألوان..كيف أخلق بالتتي..

بقي أيضاً
أن أطلب من الطواويس ريشاً
لقلمي و فرشاتي..

بقيَ أيضاً
أن أطلب من الملائِكةِ جناحاتِِ
لتكون أوراقي..

هكذا..الأن أنا مستعد..
وسأطلب من الزمان أن ينساني هاهنا
عشرون عام او يزيد..
فقط نبهوني عندما
تنتهي العشرُ الأُول..
لألقي نظرةً أخري علي و جهِها
ليس نسيان الملامح..
لكنه..
زادي لعشرٍ قادمات..


الأن يبقي فقط شيءٌ أخير
سأطلبُ منكِ ألا تحكمي حتي أنتهي
لا تقنطي..إني أحاولُ المستحيل..
فقط عِدِني أنكِ..
عندما تكتمل..
ستعلقينها فوق السرير..
وأعذرني أنها
في حسنِك الوهاجِ.. بعضٌ..
من كثير..




Monday, January 17, 2011

تجويف

كلمة و قلناها ف لحظة غضب
ليه يا حبيبتي تتحول قدرنا و إنكتب؟!
ليه قلنا و زدنا وعِدنا؟!
وقلوبنا صبحت صناديق خشب؟!!

Wednesday, January 12, 2011

نَهَجان

زي عادتي بحاول أهرب من دماغي
زي عادتي بحاول أجري من مشاعري
زي عادتي
بحاول أملا في غيابِك ده فراغي

زي عادتي بأستخبى جوا كتبي
,افضل أقرا..أقرا..أقرا..كلام كتير

أي قصة أو حكاية
تافهة كانت أو لغاية

أقرا و أتملا ف ملامحِك
رسمة ماليه كل صفحة
كل بطلة تبقى إنتِ
و إنتِ أحلي
وألقى نفسي..كل أشرار الرواية..

بأقرا من غير الحروف..
بأقرا صِوَرِك في صفوف
فوق سطوري و تحتها
جوا أو بره الكلام
بأقرا صاحي و ف المنام

بأقرا أمسنا و يومنا و بكره
بأقرا فكرة..
مهما كانت بالتقيها إتشكلت بملامحِك إنتِ

بأقرا ضعفي قصاد عنيكي..وأكرهه
وأحبِكِ إنتِ

بأقرا حتي أخبار السياسة..تصدقي؟!!
كل كلمة في مجلة
أو ف صفحة إعلانات
حتي أخبار اللي ماتوا و الرُفات
 بأقرا دلوقتي و بكره و اللي فات

بأقرا ف كل ساعة ألف تدوينة جديدة
بأقرا كل سطر ف كل صفحة ف الجريدة
بس لسه من شوية
من دقايق بس
صدفة
قريت قصيدة..

خلت الدم ف عروقي
يغلي و يفور ويا شوقي

إسمه إيه اللي كاتبها؟!!
لازم أعرف مين و ليه!!
لازم أعرف..إمتى عرفك لأ و حبك؟!!
إتقابلتوا و أهدهالِك؟!!
لازم أعرف إيه حكايته؟
إيه مكانه في حقيقتك؟ أو خيالِك؟

إحكي يلا متنكريش
دي حكاية من ماضيكي؟
إنت عارفة..
اللي فات ميهمنيش
ليه تخبي و متقوليش؟

تاني هتقولي مش إنتِ؟!!!
مستحيل..

كل كلمة قايلها هوا
كل سطر وحرف
كل نقطة, فصلة حتى أو علامة
كل حاجة في كلامه
بتوصف البدر بتمامه
يعني إنتِ....

كل تنهيده بحُرقة
كل شهقة و كل غرقة
كل أوصاف الرموش الدباحين
كل مرة
إنقتل فيها.. بعيونكِ
أيوه إنتِ
هوا في غير عيونِك قتالين؟!!!!

كل أوجاعه وآلامه
كل أحلامه ف منامه
كل حواديته وكلامه
كل اشواقه اللي دابوا في بحورِك م الحنين
كل صرخة صرخها قلبه
كل أهه و الأنين
كل ده بيقولي إنتِ
كل ده بيقول حبيبتي

عايزة مني إزاي أصدق
إن غيرِك تخلق الإحساس دا كله؟!!!
مستحيل...

عارفه إيه مَلاني حيرة؟
عارفه إيه موتني غيرة؟
إن توقيعه ف آخر القصيدة
نفس إسمي......