أه يا بن أدم
ما أعجبك
أيا إنسان
فيه جوا منك ملاك
فيه جوا منك ملاك
وبحر خير وإيمان
لكين جواك
برضك..شيطان
بقرنين و ديل..
وشوكة كما شياطين زمان
كتير ده بيهديك
لكن ساعات
ده برضك بيغويك كمان
وساعات تتوه ولا تبقي عارف
منين و فين..بر الأمان
ما توهش يا بني و إفتكر
إن إنتا واحد م البشر
منتاش ملاك منتاش شيطان
عشها كده..
كما خلقك رب الزمان
ما هو إنت في أصل الخليقة
كان إسمك الإنسان
فيك من دول و من دوكهما
وفيك كل عكس عكيس كمان
No comments:
Post a Comment